“Xudeu que vexo, xudeu que pateo”: o ruído das latas baleiras e os seus amos sionistas
Camaradas:
Os fachapobres, fascistas e racistas fan moito ruído. Son coma as latas baleiras, coma o eco nunha habitación sen mobles: ruidosos e ignorantes, e tan covardes que sempre están dispostos a tragar calquera discurso de odio que lles sirvan contra as minorías e contra os máis débiles. Non pensan, non analizan, non cuestionan. Simplemente repiten a consigna que lles puxeron na boca, convencidos de que berrar forte equivale a ter razón.
O Bernabéu como escaparate do odio.
O pasado 8 de setembro de 2026, un grupo de ultras foi gravado en Madrid, ás portas do Santiago Bernabéu, coreando consignas antisemitas e islamófobas na previa do partido da Liga de Campións entre o Real Madrid e o Inter de Milán. «Xudeu que vexo, xudeu que pateo» e «España é cristiá e non musulmá» resoaron mentres se queimaban bandeiras marroquís e retratos de dirixentes políticos, e algúns dos presentes chegaban mesmo ao saúdo nazi. A propia LaLiga tivo que anunciar que trasladaría o ocorrido ás autoridades competentes.
Un espectáculo bochornoso, si, pero tamén profundamente revelador de cara a onde apunta o odio desta xente: contra calquera que rece diferente, contra calquera que veña de fóra, contra calquera que, en definitiva, se atreva a pensar.
Amos e servos: o sionismo detrás da ultradereita española.
O máis patético de todo é que estes pobres ignorantes non saben, ou non queren saber, que as organizacións de ultradereita que xalean están controladas e financiadas, en boa medida, polo sionismo israelí. Que os israelís son xudeus. Que o seu líder, Santiago Abascal, non é máis ca un lambebotas ao servizo de Benjamín Netanyahu, viaxando a Xerusalén a xurarlle lealdade mentres en Gaza se perpetraba un xenocidio.
Os fachas non precisan neuronas para facer ruído na rúa, pero tampouco os seus xefes as precisan para se vender ao mellor postor: o capital sionista non distingue entre quen reza a Torá e quen reza o Corán á hora de asinar un cheque, sempre que ese diñeiro sirva para soster o aparello de odio que os mantén no poder.
O aquelarre de Vox: negacionistas, neonazis e xenocidas baixo o mesmo teito.
Non axudan aquelarres fascistas coma os que organiza Vox en Madrid, onde se deu cita o peor de cada casa: negacionistas do Holocausto xudeu en Europa, propagandistas neonazis e admiradores confesos de Adolf Hitler, compartindo tarima con ministros do Israel sionista e xenocida de Benjamín Netanyahu.
Aí queda retratada toda a hipocrisía do proxecto: o mesmo escenario que acolle a quen nega o exterminio nazi acolle tamén a quen executa, con armas e con fame, o exterminio do pobo palestino. Para esta xente non hai contradición, porque non hai principios: só hai alianzas de conveniencia entre fascismos que se precisan mutuamente.
A dereita desnortada: só o diñeiro como brúxula.
Os fachapobres están confundidos porque carecen de cultura xeral e de sentido común, ese mínimo que lles permitiría non facer o ridículo antes dun partido de fútbol. Pero a confusión da tropa non é máis ca o reflexo da falta de norte dos seus dirixentes.
A dereita española, e a europea enteira, está desnortada porque a súa única brúxula é o diñeiro. Non defenden unha nación, non defenden unha fe, non defenden nin sequera a coherencia do seu propio discurso: defenden os intereses de quen lles paga, xa veñan de Tel Aviv, de Wall Street ou de calquera outro despacho onde se decide o reparto do odio.
Fronte a isto, a clase traballadora non ten outro camiño que a organización, a memoria histórica e o internacionalismo, que nunca distingue entre pobos oprimidos pola súa relixión, a súa orixe ou a súa lingua.
O fascismo fará ruído, sempre o fixo, pero as latas baleiras, por moito que soen, seguen estando baleiras.
Até a vitoria sempre!
André Abeledo Fernández
